Një lidhje e ngushtë midis jush dhe foshnjës tuaj formohet shumë më herët se sa mund të mendoni. Sipas një studimi, një fetus mund të ndiejë gjendjen psikologjike të nënës.
Ushqime të ëmbëla
Bebet fillojnë të dallojnë shije të ndryshme në javën 13-15 të shtatzanisë. Lëngu juaj amniotik ka shije si ushqimi që hani dhe foshnjat e gëlltisin atë dhe mësohen me shije të ndryshme.
Banjo të ngrohta
Kur foshnjat janë aq të mëdha sa të shtypen drejt lëkurës së barkut të nënës, ato mund të ndiejnë ndryshimet e temperaturës. Një banjë e ngrohtë ju bën ju dhe foshnjën të qetë dhe të relaksuar.
Fërkimet e barkut
Receptorët e prekjes së fëmijës tuaj fillojnë të zhvillohen rreth javës së 8-të dhe rreth 20 javë foshnjat janë mjaft të mëdha për të ndjerë prekjen tuaj edhe nga jashtë. Gjatë kësaj periudhe, ato mund të shijojnë fërkime të buta të barkut.
Dëgjimi i zërave tuaj
Në javët 25-26 foshnjat fillojnë të përgjigjen ndaj zhurmave që dëgjojnë jashtë barkut të nënës dhe pasi zëri juaj është ai që ata dëgjojnë më qartë se çdo tjetër, ata mësohen ta njohin atë.
Dëgjimi i muzikës
Muzika para lindjes ka disa përfitime. Në rastin e nënës, ajo prodhon hormonin serotonin dhe promovon çlirimin e endorfinave të cilat transmetohen te foshnja, gjithashtu. Në rasin e foshnjës, muzika stimulon shqisat e tyre dhe nxit zhvillimin e trurit. /GazetaShneta/