Urime nëna të ardhshme! Sapo keni arritur në javën e 20-të, çka paraqet gjysmën e rrugës për ju deri në lindje.
Përderisa ju po përgatiteni për lindje, kampioni brenda trupit tuaj po përgatitet për jetën që po e pret jashtë.
Ai qysh javë më parë ka filluar të praktikojë thithjen, duke e futur gishtin në gojë, duke qenë kjo përgatitje për gjidhënie.
Lëvizjet e pakontrolluara vazhdojnë, çka ju lënë juve të kuptoni se bebi juaj mezi pret të shijojë dritën e parë jashtë trupit tuaj.
Ai tani është i gjatë sa një banane e vogël dhe çdo herë e më shumë po zë vend në shtatin tuaj.
Ndryshimet te ju
Për dallim nga disa javë më parë, ju jeni më energjike, më e gjallë dhe sigurisht me më shumë dëshirë për marrëdhënie seksuale.
Gjithsesi, përveç tyre, ju duhet të ballafaqoheni edhe me disa simptoma të lidhura përgjithësisht me faktin e të qenit shtatzënë.
Djersitja është një nga to, andaj preferohet të pini sa më shumë ujë. Mund të keni zbrazje vaginale me ndonjë fluid formë gjaku, por mos u shqetësoni.
Bebi juaj mund të ndikojë edhe në sistemin tuaj tretës, andaj keni kujdes se çfarë konsumoni. Këmbët janë të ënjtura, sigurisht.
Në javën e 20-të pesha vazhdon të rritet në truin tuaj. Por, mos harroni: Ekspertet rekomandojnë ushtrime të posaçme për shtim peshe të shëndetshëm, në mënyrë që edhe pas lindjes të rikthehet shpejtë te format e juaja.
Sipas Kolegjit Amerikane për Gjinekologji dhe Obstetrikë ju duhet të synoni vlerat e mëposhtme:
Nëse jeni nënpeshë (indeksi i masës trupore poshtë 18.5)
- Rekomandohet që totali i peshës së shtuar gjatë shtatzënisë të jetë mes 12 dhe 18 kg
- Në tremujorin e dytë dhe të tretë synoni të mos shtoni më shumë se 0.5 kg për javë
Nëse keni peshë mesatare (indeksi i masës trupore 18.5 deri 24.9)
- Rekomandohet që totali i peshës së shtuar gjatë shtatzënisë të jetë mes 11-15 kg
- Në tremujorin e dytë dhe të tretë synoni të mos shtoni më shumë se 0.4 kg
Nëse jeni mbipeshë (indeksi i masës trupore 25 deri 29.9)
- Rekomandohet që totali i peshës së shtuar gjatë shtatzënisë të jetë 7-11 kg
- Në tremujorin e dytë dhe të tretë synoni të mos shtoni më shumë se 0.3 kg
Nëse jeni obeze (indeksi i masës trupore 30 e më lartë)
- Rekomandohet që totali i peshës së shtuar gjatë shtatzënisë të jetë 5-9 kg
- Në tremujorin e dytë dhe të tretë synoni të mos shtoni më shumë se 0.25 kg
Nëse jeni 20 javësh me binjakë:
- Rekomandohet që totali i peshës së shtuar gjatë shtatzënisë të jetë mes 17-23 kg
- Në pjesën e parë të shtatzënisë synoni të mos shtoni më shumë se 0.5 kg për javë. Në pjesën e dytë synoni pak më shumë se 0.5 kg për javë.
Kontrolli me ultrazë
Duke filluar nga java e 20-të, mjeku juaj mund t’iu mat distancën nga maja e mitrës deri te ashti i vulvës, çka njihet si lartësia fundale, për të përcjell rritjen e frytit. Kjo bëhet para çdo vizite.
Ndonjë mospërputhje me vlerat referente të matjeve, mund të sinjalizojë mjekun tuaj për ndonjë problem.
Gjithsesi, nëse keni binjakë, mos prisni që mjeku juaj të bëj matjen e lartësisë fundale pasi është e vështirë të përcaktohen vlerat referente.
Por, mjeku juaj ka mundësi që të bëj matjet për trupin e bebit tuaj me ultrazë për ta përcjell zhvillimin e tij dhe për të përcaktuar saktë moshën gjestacionale në bazë të vlerave.
Me ultrazë ju mund të shihni katërdhomëshin e zemrës, veshkat dhe hemisferën e trurit – pjesë që as nuk keni ëndërruar se mund të shihni në këtë periudhë.
E njëjta vlen edhe për binjakë. Mjeku tani sigurisht se e ka më të lehtë për të treguar saktë edhe për gjininë e bebit tuaj.