Bebi juaj tani peshon rreth 350 g. Synimi i saj nga tani e tutje do të jetë vetëm të shtojë peshë, sigurisht edhe me ndihmën tuaj.
Banori më i ri në trupin tuaj ka një gjatësi të një karote tani. E, kur jemi te karotat, preferohet tani hani së paku një në ditë.
Kjo pasi, pas javës 21, bebi juaj gëlltit pak nga lëngu amniotik çdo ditë – duke e ushtruar gëlltitjen për ta përdorur pas lindjes.
Dhe mbajeni në mend: Shija e lëngut amniotik ndryshon çdo ditë dhe varet nga ajo që ju hani.
Bebi juaj gjithashtu vazhdon urinimin si dhe teston frymëmarrjen. Shqisat janë zhvilluar.
Ndryshimet te ju
Kokëdhimbjet janë normale në shtatzëni dhe shumicën e rasteve shkaktohen nga hormonet ose dehidrimi.
Gjithsesi, nëse kokëdhimbja zgjat më shumë se dy ose tre orë dhe paracetamoli nuk ju ndihmon, kjo mund të jetë shenjë e presionit të lartë në gjak. Kjo mund të jetë shenjë për pre-eklampsi.
Ju duhet të provoni t’i shmangi ushqimet djegës dhe duhet të mbani një rregull të mirë ushqimor.
Gjithashtu në këtë periudhë mund të ndjeni kontraksione të mitrës, çka janë normale. Mitra po ushtron vetën para lindjes.
Këto kontraksione janë normale derisa ndalen në momentin që ju e ndryshoni pozicionin. Njoftojeni mjekun nëse keni dhimbje ose nëse kontraksionet nuk ndalen.
Shenjat në trupin tuaj apo strijat fillojnë të shfaqen pasi lëkura fillon të zgjerohet. Me shtimin e peshës ato bëhen evidente.
Gjerë në javën e 21-të ju mund të keni shtuar rreth 5-6 kg dhe rreth 9-10 kg nëse jeni shtatzënë me binjakë.
Por, mos e shqetësoni vetën shumë me shtimin e peshës. Në fakt, kjo nuk është trashje. Nëse e shikoni nga një prizëm tjetër, ju jeni shtatzënë! Aty buron shtimi i peshës.
Nëse e analizojmë, pesha e rritur e juaja në fundin e shtatzënisë është si rrjedhojë e numrave në vijim:
- Bebi juaj me peshë mesatare – 3.4 kg
- Placenta – rreth 0.6 kg
- Mitra – rreth 0.9 kg
- Lëngu amniotik – rreth 0.9 kg
- ‘Depot’ e juaja ushqyese – 3 kg
- Indi i gjirit – rreth 0.9 kg
- Volumi i rritur i fluidit në trup – rreth 1.8 kg
- Volumi i rritur i gjakut në trup – rreth 1.8 kg
Pra, pesha juaj më e madhe po vjen nga gjërat që po e mbajnë të sigurt dhe të shëndetshme bebin tuaj. Andaj mos u brengosni shumë për peshën, mjafton t’i kushtoni rëndësi dietës së shëndetshme.
Kontrolli me ultrazë
Besojmë se gjerë tani veçse e keni marrë informatën për gjininë e bebit tuaj. Nëse është një vajzë, në vezoret e saj tashmë janë pozicionuar miliona qeliza vezë.
Po te djali? Testikujt e tij ende gjenden në abdomen, por do të lëshohen poshtë në javët në vijim.
Java e 21-të mund t’iu ofrojë mundësi fantastike vizualizimi me ultrazë të strukturave të trurit, por edhe të zemrës.
Profili, nëse pozita është e përshtatshme dhe e vendosur para një sasie të lëngut amniotik, do të vizualizohet për mrekulli dhe deri në detajet më të vogla.
Ide që duhet ta provoni
Nëse ende nuk e keni zbuluar gjininë e bebit tuaj, mund të organizoni një aheng të veçantë para vizitës në javën 21.
Ju mund të kërkoni nga mjeku juaj që nëse sheh gjininë e fëmijës suaj, ta shkruaj atë dhe ta vendos në një zarf të cilin ju do ta hapni vetëm pasi të shkoni në shtëpinë tuaj.
Hapja të bëhet në prezencë të familjarëve dhe miqve tuaj. Ta festoni!
