Këtë javë është duke u shënuar Java Evropiane e Imunizimit 2022. Kryeministri i Kosovës, Albin Kurti, i është drejtuar qytetarëve përmes një video – mesazhi.
Përderisa e cilëson fushatën e vaksinimit në Kosovë të suksesshëm ai kërkon nga qytetarët që të vazhdojnë të vaksinohen kundër coronavirusit.
“Falë fushatës së suksesshme të vaksinimit, deri më sot, Kosova ka arritur të vaksinojë me të paktën dy doza 2/3 e qytetarëve 18 vjeç e lart, duke arritur shkallën më të lartë të vaksinimit kundër COVID-19 në rajon”, thotë mes të tjerash kryeministri.
Java e Imunizimit për herë të parë është shënuar në vitin 2005. /Gazeta Shneta/