Sabahudin Bytyqi, Valdet Spahija, Jeton Zarari dhe ish drejtori i spitalit të Gjakovës, Hilmi Shala, janë pesë kandidatët të cilët i plotësojnë kriteret në garën për drejtor në Spitalin Regjional të Gjakovës, mirëpo kriteret për menaxher të spitalit nuk i ka plotësuar UD drejtori aktual në këtë spital, Ardian Jusufi shkruan Gazeta Shneta.
Sipas dokumentit të siguruar nga Gazeta Shneta, Jusufit i mungonë përvoja e mjaftueshme menaxheriale dhe si pasojë e kësaj është diskualifikuar nga gara.
Ndërsa në Qendrën Kombëtare të Telemjekësisë në Gjakovës, Ismet Lecaj, është i vetmi kandidat i cili ka plotësuar kriteret për garë, njëherish edhe i vetmi që ka kandiduar për këtë pozitë.
Nga pesë kandidatët për të menaxhuar Qendrën Kombëtare të Mjekësisë së Punës në Gjakovë, tre prej tyre kanë plotësuar kriteret për të kandiduar, Fiknete Palloshi, Arberore Sefa si dhe Albert Lila, i cili ka qenë edhe kandidatë për deputet në zgjedhjet e vitit 2017.
Sipas dokumentit, Shpetim Skivjanit dhe Murat Kursani i mungonë nivel i shkollimit të kërkuar dhe si pasojë largohen nga gara.
Afrim Shabani dhe Gëzim Murseli janë dy kandidatët tjerë të cilët, sipas dokumentit, i plotësojnë kriteret për të qenë në garë për menaxher në Qendrën Kombëtare të Mjekësisë Sportive në Gjakovë. /Gazeta Shneta/
ShSKUK rishpallë konkurs për drejtorë në katër njësi në Gjakovë