Ka vdekur në moshën 85-vjeçare farmacisti dhe profesori, Byrhan Dida.
Lajmi është bërë i ditur nga Oda e Farmacistëve të Kosovës.
Ai ishte doktor i shkencave dhe specialist i biokimisë klinike.
Dida Fakultetin e Famakologji – Biokimisë e kreu në Zagreb në vitin 1965, ndërsa punimet pasdiplomike i vijoi në Fakultetin e Mjekësisë në Zagreb ku më 1973 mbrojti temën e magjistraturës.
Ai kreu doktoratën në Fakultetin e Mjekësisë në Prishtinë në vitin 1977, ndërsa më vonë specializoi në biokimi në Houston të SHBA-së dhe më vonë ishte zgjedhur profesor i kësaj lënde në Fakultetin e Mjekësisë në Prishtinë.
Për disa vite kishte qenë edhe koordinator i Degës së Farmacisë në Fakultetin e Mjekësisë.
Komunikata e plotë nga OFK:
Oda e Farmacistëve të Kosovës u shpreh ngushëllime familjarëve, miqve, kolegëve dhe studentëve të profesor Didës.
Byrhan Xh. Dida-Mr.Ph.PhD.
Farmacist, profesor – doktor i shkencave dhe specialist i biokimisë klinike.
Prof Byrhan Dida u lind më 1938 në Shkodër. Shkollën fillore dhe Gjimnazin e kreu në Prishtinë, kurse Fakultetin e Famaci-Biokimisë e kreu në Zagreb më 1965. Studimet pasdiplomike i vijoi në Fakultetin e Mjekësisë në Zagreb, ku më 1973 mbrojti temën e Magjistraturës me titull: “Imunoglobulinat te të sëmurët nga lia e madhe”. Në maj 1977 në Fakultetin e Mjekësisë në Prishtinë mbron disetracionin e doktoratës me titull: “Fraksionet radioimunodifuzionale dhe elekroforetike të proteinave të serumit dhe të likuorit te format e ndryshme të skizofrenisë dhe te të sëmurët nga Sindorma Ekstrapiramidale”.
Prof. Dr. Dida në fillim ka punuar në Laboratorin e Biokimisë në Prizren. Pasi specializoi biokiminë mjekësore në Zagreb, me 1972 zgjidhet asistent i lëndës së Biokimisë në Fakultetin e Mjekësisë në Prishtinë.
Më vonë shkoi në specializim në Hjuston-SHBA dhe pasi kthehet zgjidhet profesor i kësaj lënde në Fakultetin e Mjekësisë në Prishtinë.
Ka arritur në gradën e profesorit ordinar në FM-UP. Gjithashtu për disa vite a qenë edhe koordinator i degës së farmacisë të Fakultetit të Mjekësisë. Prof Dida ka marrë pjesë në disa Kongrese dhe Simpoziume dhe ka publikuar 35 punime shkencore si autor dhe koautor.
Prof Dr. Byrhan Dida do të mbahet mend për merita të veçanta si një nga përkrahësit e fuqishëm për hapjen e degës së farmacisë të Fakultetit të Mjekësisë në vitin 1996 dhe që gjatë tërë kohës ka luftuar për ngritjen dhe zhvillimin e profesionit.
Biografia është marrë nga publikimi “Enciklopedi e doctorëve të shkencave të mjekësisë shqiptare gjithandej globit (1445-2018) dhe mjekëve që lanë gjurmë të pashlyera në historinë e mjekësisë shqiptare me autor Prof.Dr.Isuf Dedushaj.