Një studim i ri i publikuar në revistën Medicine & Science in Sports & Exercise tregon se marrja e kafeinës gjatë ushtrimeve dhe jo para tyre mund të përmirësojë ndjeshëm performancën fizike në kushte të nxehta pa shkaktuar stres të tepërt për trupin.
Hulumtuesit nga Universiteti i Tsukubas në Japoni zbuluan se, kur kafeina merret në doza të moderuara gjatë ushtrimeve të zgjatura në të nxehtë, ajo rrit gradualisht nivelet e saj në gjak dhe ndihmon në zgjatjen e performancës në intensitet të lartë në fund të aktivitetit fizik.
Për më tepër, pjesëmarrësit ndjenë lodhje më të vogël para fazës intensive të ushtrimit. E rëndësishmja: ndryshe nga kur kafeina merret para ushtrimeve, konsumimi gjatë aktivitetit nuk shkaktoi frymëmarrje të tepruar nga mbinxehja apo ulje të qarkullimit të gjakut në tru, shkruan MedicalXpress transmeton Gazeta Shneta.
Studiuesit sugjerojnë se kjo metodë mund të jetë një strategji e sigurt dhe efektive për sportistët që stërviten apo garojnë në temperatura të larta.
Edhe pse në fund të ushtrimeve vërehet rritje e ngarkesës kardiovaskulare dhe temperaturës trupore, kjo lidhet me përmirësimin e vetë performancës./Gazeta Shneta/