Kjo është një histori e treguar nga Jessica, shoqja e së cilës ka jetuar me fibrozë cistike (sëmundje e mushkërive e cila nuk ka shërim) dhe ka vdekur nga kjo sëmundje.
Por kjo është një storie pak me ndryshe, pasi Jessica ka ofruar të jetë bartëse e fëmijës së shoqes së saj të ngushtë, Beka e cila tragjikisht ka vdekur para se fëmija të lindte.
Ajo tregon se si fëmijë, Beka ishte e mahnitshme dhe e suksesshme në çdo gjë që bënte, dhe se kjo asnjëherë nuk ia ka pasur inatin, edhe kur Beka vlerësohej më shumë në punimet shkollore, pasi e dinte se ajo po jetonte me një sëmundje shumë të rëndë.
Se si asnjëherë gjatë gjithë viteve, pozitiviteti i saj nuk u shua.
Për këtë arsye, kur Jessica e pa një postim të shoqes së saj në Facebook, që nuk u duk fare diçka që Beka do të postonte, pasi ishte shumë depresiv, Jessica menjëherë e pyeti se çfarë kishte ndodhur.
Jessica atë kohë po jetonte me bashkëshortin dhe me dy fëmijët në Afrikën e Jugut, ndërsa Beka sapo ishte martuar me njeriun e saj, Gareth. Por, ata nuk mund të kishin fëmijë për shkak të gjendjes shëndetësore të Bekas.
Ajo menjëherë i tregoi se ku është problemi, por, Jessica me zemër të thyer, e gjeti menjëherë zgjidhjen.
“Atyre i duhej dikush që do të sjellte në jetë fëmijën e tyre për ta“.
“E sigurisht se unë i ofrova shoqes time që të jem bart fëmijën e tyre”, thotë Jessica. Megjithëse bashkëshorti i saj fillimisht nuk u pajtua me këtë ide, por më pas duke shikuar fëmijët e tyre, ai e pa se sa me fat ishin dhe se duhet ta bëjë këtë për të ndihmuar Bekan.
Çifti ishin shumë të lumtur për këtë. Sigurisht, ka lindur pyetja: “Çfarë nëse Beka vdes?”, por të gjithë kanë qenë të bindur se ajo do të jetojë pak më gjatë edhe për ta parë fëmijën e saj të rritet, për shkak të gjendjes stabile e të monitoruar gjatë gjithë kohës.
Gjatë majit, Jessica ka udhëtuar për në Brisbane, për t’ia transferuar embrionet në trupin e saj, ndërsa pas dy javësh e ka lajmëruar Bekën se e ka bërë testin dhe i kanë dalë dy vija: është shtatzënë!
Beka ishte ekstremisht e gëzuar dhe nuk i besohej, ndërsa gjatë javëve në vazhdim ajo i ka mbajtur të informuar për çdo lëvizje e çdo vizitë te mjeku. Beka ksihte shumë dëshirë të ishte djalë.
Por, gjithçka ndryshoi kur u bë 16-javëshe!
Shëndeti i Bekës ndryshoi papritmas, ajo vazhdimisht po merrte infeksione në mushkëri dhe këtë herë ishte ndryshe. Ilaçet nuk po funksiononin.
“Ne kemi planifikuar të udhëtojmë për sonogramin e javës së 20, por me gjendjen e përkeqësuar të Bekës, është dashur të nisemi më herët”.
“Unë do ta sjell fëmijën në shtëpi së shpejti dhe ti do të bëhesh mirë“, i dërgova mesazh, thotë Jessica.
Kur ka shkuar për të parë se çdo gjë është në rregull për të fluturuar, Jessica pa dashur e ka zbuluar se po pret pikërisht një djalë.
Kjo ishte një gjë e mirë, në fakt, sepse kur ajo po bëhej gati për t’u nisur, Gareth e lajmëroi se Beka nuk mund t’ia dalë, dhe kjo i tregoi se po prisnin një djalë.
Ditën e nesërme, kur po nisej për në aerooport, Gareth e lajmëroi përsëri.
“Beka nuk është më“.
Jessica ka fluturuar me djalin në bark, mu në kohë për funeralin e nënës së tij të mrekullueshme që nuk do ta njihte kurrë.
Pesë muaj pas vdekjes së Bekës, Jessica ka sjellë në jetë djalin Rixton, emrin e të cilit e ka zgjedhur vetë Beka, ndërsa i ati Gareth ishte i pari ai që e ka mbajtur në krahë.
“Fillimisht e kam pasur shumë të vështirë të ndahem nga djali, por e kam ditur se Gareth do të bëhet një baba i mrekullueshëm”, shkruan Jessica./GazetaShneta
Lexoni edhe: