Bujar Kaquri nga Fondi për Sigurime Shëndetësore ka thënë se vlera mujore e kërkesave për trajtim jashtë vendit është rreth 1 milionë Euro.
Bujar Kaquri zëvendësues i drejtorit të Fondit të Sigurimeve Shëndetësore bashkë me ministrin e Shëndetësisë Arben Vitia po raportojnë në Komisionin parlamentar për Buxhet dhe Financa. Kaquri ka thënë se vlera mujore e kërkesave për trajtim jashtë vendit është rreth 1 milionë Euro, shkruan Gazeta Shneta.
“Rreth 1 milion Euro është vlera mujore e kërkesave për trajtim jashtë vendit. Rreth 15 milionë Euro është vlera e borxhit bashkë me detyrimet e rasteve të rregullta”, ka deklaruar Kaquri.
Ai ka folur për rastet që kërkojnë ndihmë për trajtim jashtë vendit në rrjetet sociale nga qytetarët. Sipas Kaqurit, ka raste kur nuk kanë kërkuar ndihmë fare paraprakisht në Fond.
“Ka raste kur familjarët nuk duan që të kërkojnë ndihmë në Fond, thonë se me vet dëshirë i dërgojnë familjarët për trajtim jashtë vendit. Ne nuk mund t’i ndalojmë këto raste. Ka edhe raste kur keqpërdoren thirrjet për ndihmë”, ka thënë Kaquri. /Gazeta Shneta/