Punimet për renovimin e Klinikës së Kardiologjisë Invazive kanë përfunduar dhe tani është e tashme që të pres pacientët që vijnë me infarkt akut për trajtim brenda 120 minutave.
Përurimi i renovimit të klinikës është bërë sot nga Kryetari i Kuvendit të Kosovës, Kadri Veseli, së bashku me ministrin e Shëndetësisë Uran Ismaili dhe drejtorin e SHSKUK-së, Dr. Basri Sejdiu.
Ky i fundit është shprehur i kënaqur me përkrahjen nga krerët e PDK-së. Sejdiu ka thënë se klinika është e gatshme për shërbim të pacientëve në kuadër të programit për trajtimin e infarktit akut të miokardit brenda 120 minutave, shkruan Gazeta Shneta.
“Klinika e Kardiokirugjisë me Kardiologji Invazive tani funksionon me dy salla dhe fal sjelljes së angiografit të ri i cili ka qëndruar për disa vite në Austri, tani kemi filluar edhe programin për trajtimin e infarktit akut brenda 120 minutave. Ky program është pilot projekt fillimisht në Komunën e Prishtinës, dhe besoj se shumë shpejt do të fillojmë edhe në komuna tjera”, ka deklaruar Sejdiu.
Kryeparlamentari Veseli ka deklaruar se investimet në shëndetësi po bëhen fal bashkimit të profesionalizmit dhe vullnetin politik. “Kjo tregon se kur bëhen bashkë profesionalizmi dhe vullneti politik mund të arrihet çdo gjë, është mesazh për qytetarët se në këto ambiente trajtohen të gjithë barabartë shërbimi është cilësore. Punëtorët shëndetësorë janë shumë profesional dhe do ecim përpara të jemi edhe më afër qytetarëve tanë dhe të kemi mundësi të barabarta”, ka deklaruar Veseli.
Ministri Ismaili ndërkaq është zotuar se do të vazhdojë me përkrahje për institucionet shëndetësore. Ai është shprehur i kënaqur me punimet që janë bërë në QKUK. /Gazeta Shneta/