Kardiologu shqiptar në Gjermani Dr. Fahri Beqa, ka thënë se ministri i Shëndetësisë Armend Zemaj është i korruptuar deri në fyt.
Beqa ka deklaruar në një postim në Facebook, se pasojat e menaxhimit katastrofal të shëndetësisë nga Zemaj, do të jetë e vështirë të riparohen për katër vitet e ardhshme, transmeton Gazeta Shneta.
“Prokuroria do të duhej të hetojë çdo veprim dhe çdo vendim të tij, duke filluar nga shfuqizimi i udhëzimit për unifikim të çmimeve të barnave e deri te tenderët e frigoriferëve të vaksinave, licencimet e dyshimta të laboratoreve, ndarjen e pakontrolluar të specializimeve, futjen e personave të afërt e jokompentent nëpër borde të rëndesishme etj”, ka shkruar Beqaj.
Sipas kardiologut, Zema me vendimet e tij jo vetëm që ka ndikuar në dëmtimin e shëndetit të qytetarëve, por ka rritur poashtu shpenzimet e qytetarëve që janë prekur nga pandemia.
“Menaxhim më të dobët të pandemisë nga aspekti shëndetësor nuk ka pasur gati asnjë shtet në rajon e në Europë, këtë e tregon edhe fakti që Kosova është vendi i vetëm që ende nuk ka siguruar asnjë dozë të vetme të vaksinës. Parlamenti nuk do të duhej të ishte streha e tij. Vendi i të tillëve është diku tjetër”, ka shkruar Beqa. /Gazeta Shneta/