Katër qytetarë kanë rezultuar të infektuar me coronavirus gjatë 24 orëve të fundit nga 107 mostra të testuara në Institutin Kombëtar të Shëndetësisë Publike ndërsa nuk është raportuar për të vdekur me COVID-19.
Në raportin 24 orësh të Ministrisë së Shëndetësisë gjithashtu bëhet e ditur se katër qytetarë të tjerë janë shëruar nga infeksioni SARS-CoV-2.
Aktualisht në nivel vendi janë 67 raste aktive me COVID-19.
Sa i përketë imunizimit gjatë 24 orëve të fundit janë vaksinuar 37 qytetarë.
Deri më tani 1,8 milion doza të vaksinave janë administruara në nivel vendi.
COVID-19 deri më tani ka prekur mbi 272 mijë qytetarë në Kosovë prej tyre mbi 3 mijë e 100 kanë vdekur ndërsa 268 mijë të tjerë janë shëruar. /Gazeta Shneta/