Historia e një nëne po bëhet virale, pasi ajo ka shkruar në Tëitter se një përfaqësues i një linjës ajrore me të cilën po udhëtonte, i ka kërkuar ta ushqejë fëmijën me gji në tualetin e avionit.
Stephanie VandenBerg shpjegoi në Tëitter se fillimisht kishte kontaktuar linjën ajrore përpara një udhëtimi të ardhshëm për të “organizuar fluturimin me një fëmijë”.
“E dashur @AirCanada: Nuk është kurrë mirë t’i rekomandosh një gruaje të ushqejë me gji fëmijën e saj në një tualet të avionit. Nëse dëshironi të hani darkën tuaj atje, mund të shkoni me dëshirën tuaj, por djali im i mitur nuk do të bashkohet me ju”, ka shkruar ajo në Tëitter.
Pas këtij postimi, ka reaguar linja ajrore duke u shprehur se një nënë gjidhënëse mund ta ushqejë kudo fëmijën e saj në avion dhe se një kerkesë e tillë asaj nuk i është bërë gjatë fluturimit, por kur ka telefonuar, nga një punonjës i ri, që nuk i njihte politikat e linjës ajrore.
Megjithatë, komentuesit kanë qenë të gjithë kundër kërkesës së pavend të linjës ajrore.
“Pse dikush do të mendonte se tualeti është vendi i duhur për të ushqyer foshnjat?” pyeti një komentues.
Në Kanada, ku ka ndodhur ngjarja, e drejta e gjidhënies në publik mbrohet në Kartën Kanadeze të të Drejtave dhe Lirisë. Në mënyrë specifike thuhet se ushqyerja me gji “siguron standardin më të lartë të arritshëm të shëndetit” dhe konsiderohet si një “e drejtë themelore e njeriut” në Kanada. /pernenat.al