Shkruan Lira Gjika, pediatre.
Prindër, nëse doni të vendosni fëmijën në gjumë, përpiquni të jeni të qetë dhe mos ta bëni me padurim, pra duke e vendosur fëmijën në krevat atë ta zërë gjumi menjëherë. Ka raste që do të flejë menjëherë, por në përgjithësi do pak kohë që ta zërë gjumi. Mirë është që fëmija të dërgohet për të fjetur, çdo darkë në të njëjtën orë, mundësisht në orën tetë e gjyshëm të darkës. Është mirë që përpara se të flejë t’i lexohet një libër, natyrisht sipas moshës së fëmijës. Leximi në darkë duhet filluar nga mosha gjashtë muaj dhe duhet të vazhdojë deri në moshën 12 vjeç, moshë kur fëmija fillon të lexojë i pavarur. Gjithashtu mund të flitet pak për gjumin edhe pse fëmija mund te jete me muaj. Ju duhet ti flisni dhe ti shpjegoni me fjale te thjeshta se sa mire i bën gjumi për tu rritur, sa shumë e ndihmon trupin dhe mendjen e tij. Duke e përkëdhelur dhe folur për ditën e re qe është nesër që do te jetë një ditë më i madh. Tregojini se sa i zoti tregohet, që e përdor dorën me siguri, që qesh bukur, sidhe plot nga këto fjale te thjeshta që e qetësojnë fëmijën dhe duke u qetësuar me nënën pranë e zë gjumi. Do të ishte shumë mirë që leximin para gjumit ta bënte babai. Kjo do të shërbente që fëmijët dhe babai të ishin më të afërt dhe do të shmangej distanca apo ndrojtja baba fëmijë, e cila është shumë prezente në marrëdhënnien baba-fëmijë tek ne. Prindër përpiquni të shmangni padurimin. Padurimi juaj e bën fëmijën te ndihet keq dhe i pasigurt dhe në vënd që të qetësohet përkundrazi shqetësohet edhe më shumë. Prindër edhe vënia ne gjumë është pjese e rritjes, përpiquni ta shijoni dhe të shmangni bezdinë. Lira Gjika