Endokrinologia në Qendrën Klinike Universitare, Merita Emini-Sadiku, ditë më parë ka reaguar në lidhje me metodat e trajtimit të insulinës nga i vetëquajturi mjek popullor, Hetem Ramadani.
Ajo e ka quajtur si të rrezikshme ndërprerjen e insulinës, pasi që, sipas saj, nuk janë të gjithë pacientët njësoj. Ndërsa ka folur më tutje për këtë trajtim, asaj i ka pëlqyer që Ramadani po flet për ushqimet e shëndetshme.
“Mua po më pëlqen që ka filluar të flasë për ushqimet e shëndetshme. Mirëpo, për ndërprerjen e insulinës ne kemi rezerva. Nuk janë të gjithë pacientët njësoj dhe ndalimi i tërësishëm i insulinës shpesh herë është i rrezikshëm”, ka sqaruar ditë më parë për Express diabetologia dhe endokrinologia e QKUK-së, Merita Emini- Sadiku.
E në lidhje me trajtimet që po i bën mjeku popullor, ka reaguar më herët edhe psikiatri Jusuf Ulaj, të cilin e ka quajtur si person me probleme mendore.
“Ajo që Ramadani thotë në emision se e shëron sëmundjen e Alzhajmerit, sëmundjen e Parkisonit, paralizat dhe diabetin. Që e merr guximin kësaj vajzës së vogël me ja ndërpre insulinën ma shumë për mu i merr premisat ma shumë që ka probleme mendore”, thoshte Ulaj.