Komisioni Përzgjedhës ka publikuar emrat e drejtorëve të përzgjedhur në Spitalin e Gjakovës dhe të Prizrenit.
Në Gjakovë është ndërruar udhëheqësi pasi në këtë pozitë ka ardhur Dr. Sabahudin Bytyqi. Ai ka dal i pari në një konkurrencë të fortë me ish-drejtorin Ahmet Asllani dhe dy kandidatë të tjerë, shkruan Gazeta Shneta.
Bytyqi ka fituar me 349 pikë duke lënë prapa Asllanin me 343. Afrim Dervishi ka dal në vendin e tretë me 337 pikë, ndërsa Besart Gashi në vendin e tretë me 312 pikë. Tre kandidatë të tjerë, Valdet Spahija, Arbnore Grezda dhe Hilmi Shala nuk kishin arritur ta kalonin testin me shkrim.
Ndërkaq në Spitalin e Prizrenit Dr. Afrim Avdaj është rikonfirmuar në pozitën e drejtorit. Ai doli i pari me 371 pikë, ndërsa në vendin e dytë Dr. Sylejman Nishori me 360 pikë. Naser Ejupi, Ali Hoti nuk kishin kaluar testin me shkrim ndërsa Shpend Zajmi kishte munguar. /Gazeta Shneta/