Nëntë nga 14 kandidatët për drejtor të Departamentit të Infermerisë në QKUK e kanë kaluar testin me shkrim. Ata pritet t’i nënshtrohen edhe intervistës me gojë
I pari në testin me shkrim ka dal infermieri Sami Tahiraj me 79 pikë, ndërsa në vendin e dytë është Shpresa Surdulli me vetëm dy pikë më pak, shkruan Gazeta Shneta.
Me nga 66 pikë janë në vendin e tretë dhe të katërt Abdullah Gruda dhe Bekim Sejdiu, kurse në vendin e pestë qëndron Luljeta Musliu me 63 pikë.
Infermieri Ardian Gashi është në pozitën e gjashtë me 54 pikë, pas tij vjen Ferat Kabashi me një pikë më pak, në vendin e tetë Vjollca Jusufi me 51 pikë dhe në të nëntin Qemajl Krasniqi me 50.50 pikë.
Testin s’kanë arritur ta kalojnë Florije Gjonbalaj 48.50, Magbule Elezi 46.50, Selami Behluli 46, Naser Miftari 45.50 dhe Shpresa Ademi 33.50 pikë. /Gazeta Shneta/