Një aksident i rëndë trafiku ka ndodhur sot në aksin rrugorë Ferizaj-Shtime, ku si pasojë katër persona kanë humbur jetën.
Në këtë aksident janë përfshirë tri vetura me traga vendore. Kështu ka bërë të ditur për Gazetën Insajderi, zëdhënësi i Policisë së Kosovës në rajonin e Ferizajt, Kanun Veseli.
“Rreth orës 19:15 Policia Rajonale e Ferizajt ka pranuar një informacion se në aksin rrugor Ferizaj -Shtime, në hyrje të Shtimes, ka ndodhur një aksident komunikacioni ku janë përfshirë tri automjete të udhëtarëve, vetura me targa vendore. Si pasojë e këtij askidenti, 4 persona kanë humbur jetën, vdekja e të cilëve është konfirmuar nga mjekët në vendin e ngjarjes”, njoftoj policia.
Ekipe të Emergjencave janë në vendin e ngjarjes si dhe Njësia e Hetimeve të Komunikacionit Rrugor ka nisur hetimet për rastin.
Si pasojë e këtij aksidenti me fatalitet është bllokuar magjistralja Ferizaj-Shtime.
Ndërkohë Sinjali ka mësuar se tre nga katër persona e vdekur janë, Arlind Isufaj, 21-vjeçar, Mergim Behluli, 23-vjeçar dhe Armend Muhadini, 39-vjeçar, raporton Gazeta Sinjali.
Dyshohet se dy të vdekurit janë nga fshati Mollopolc, dy nga fshati Dramijak.