Depresioni te personat me diabet mbetet një çështje shëndetësore kryesore për t’u adresuar.
Ka pasur interes të kohëve të fundit nëse agonistët e receptorëve të glukagonit (GLP-1RAs) ndikojnë në rrezikun e depresionit, shkruan burimi Medical News Today përcjell Gazeta Shneta.
Një studim i fundit ka zbuluar se GLP-1RAs mund të ndihmojnë në uljen e rrezikut për depresion krahasuar me një tjetër medikament për trajtimin e diabetit, të njohur në grupin e inhibitorëve të dipeptidil peptidazës-4 (DPP4is).
Diabeti është një sëmundje komplekse dhe kronike që kërkon shumë mund për t’u menaxhuar siç duhet. Rastet e depresionit, duket se janë më të shpeshta në personat me diabet sesa në ata pa diabet.
Ekspertët janë të interesuar për të gjetur mënyrat më të mira për të trajtuar këtë problem, përfshirë se si medikamentet që përdoren për trajtimin e diabetit mund të ndihmojnë.
Një studim i publikuar në “Annals of Internal Medicine”, shqyrtoi se si agonistët e receptorëve të glukagonit (GLP-1RAs, gjithashtu të njohur si “barna GLP-1”), të cilat shiten me emra marke si Ozempic, ndikojnë në rrezikun për depresion krahasuar me dy medikamente të tjera që përdoren për trajtimin e diabetit.
Shkalla e depresionit ishte e ngjashme për grupin që merrte GLP-1RAs dhe grupin tjetër që merrte inhibitorë të kotransporterëve të natrium-glukozës-2 (SGLT2i).
Megjithatë, GLP-1RAs ishin të lidhura me një ulje të vogël të rrezikut për depresion.
Ky hulumtim shton më shumë të dhëna në atë që ekspertët dinë për GLP-1RAs dhe përfitimet e mundshme që ato mund të ofrojnë. /Gazeta Shneta/