Mamia Razije Musa ka dhënë disa këshilla për nënat shtatzëna që kanë kaluar javën e 36-të.
“Të dashura nana uroj të jeni mirë, sot dua të jap disa këshilla për nanat që janë duke pritur momentin e ardhjes në jetë të fëmijës së tyre.
Si Mami unë inkurajoj nanat që të shkojnë në lindje natyrale, gjithmonë nëse nuk ka ndonjë indikacion shëndetësorë për të hyrë në lindje me prerje cezariane.
Nëse keni kaluar javën e 36 unë u këshilloj kështu :
Vazhdoni të jeni aktive, nëse nuk keni një shtatëzani me komplikime mos u ndalni vetëm pse tani jeni në fund të udhëtimit, jeni aktive çdo ditë kjo do të ju mundësoj një lindje më të lehtë, ju mund të ecni apo notoni por edhe të bëni joga.
Meruni me veten, rrini me njerëzit që doni, përfytyroni fytyren e fëmijës tuaj.Qetësia e shtatëzanisë do të ju përcjellë edhe në lindje, prandaj punoni me veten.
Lexoni dhe informohuni për procesin.
Kërkoni ndihmë nga njerëzit e afërt.
Mbani qantën e përgatitur.
Personi adekuat për të pyetur për procesin e lindjes mund të jetë nëna apo motra juaj, të tjerat mund të kenë prirje për të ekzagjëruar situatën dhe kështu të krijoni frikë e panikë.
Shumë shpejtë do të keni në dorë bekimin më të madh të jetës, jeni të gëzuara.
Me dashuri, Razija