Janë publikuar konkluzat e ekspertizës së mjekëve ligjor zviceran për rastin e vdekjes së Astrit Deharit.
Mjekët specialist T. Fracasso, S. Grabherr dhe V. Castella, kanë konstatuar se pretendimet e prokurorisë së Kosovës për vetëvrasjen e Deharit janë të paqëndrushme dhe në bazë të fakteve duket pak e vërtetë, shkruan Gazeta Shneta.
“Ashtu siç është thënë në ekspertizën tonë El180001, ne kemi dyshime që lidhen me rrethanat e vdekjes së z. Dehari Astrit. Në fakt hipoteza e një vetëvrasjeje e z. Dehari Astrit përmes mjeteve të caktuara nga mjekët ligjor duket pak e vërtetë dhe intervenimi i një personi të tretë në proces fatal duhet të kihet parasysh”.
“Analizat e ADN-së të kryera në laboratorët tona kanë mundësuar të vejnë në dritë një profil të ADN-së mbi mostrën e përshkruar nga ekspertët e Kosovës siç thuhet përmbanë pak ose shumë pak ADN”.
“Nga ajo çfarë u tha, ne vlerësojmë se një hetim i ri është i nevojshëm për t’i qartësuar rrethanat e vdekjes së z. Dehari Astrit. Ekipet tona dhe laboratorët tona janë në dispozicion të hetuesve të ngarkuar me çështjen”, thuhet në konkluzionet e raportit.
Ky raport i përkthyer në gjuhën shqipe dhe një kopje e raportit origjinal sot i është dorëzuar familjes Dehari dhe avokatit të tyre Tomë Gashi. Ata kanë kërkuar hetime të pavarura nga organet e hetuesisë në Kosovë. /Gazeta Shneta/