Organizata “ Shtëpia e lojërave të Gigit”, realizoi një sfiladë mode, me qëllim të përkrahjes së fëmijëve me Sindromën Down.Këta fëmijë patën kënaqësinë të veshin rrobat nga stilistët e njohur të modës.
Shpesh u themi fëmijëve tanë që ata kanë botën në duar, që mund të jenë kushdo që dëshirojnë të bëhen. Mbi të gjitha, fuqizimi i mendjeve të reja është një pjesë e rëndësishme e ndërtimit të besimit të tyre. Një organizatë po e ndan këtë mesazh me zë të lartë dhe krenari për fëmijët me sindromën Down.
“Shtëpia e lojërave të Gigit” është një organizatë që synon të mbështesë dhe frymëzojë njerëzit me sindromën Down, duke i lejuar ata të jenë më të angazhuar në jetën e tyre në shtëpi, shkollë dhe brenda komuniteteve të tyre. Vitin e kaluar, organizata zhvilloi sfilatën e parë të modës.
Të mërkurën e kaluar, shfaqja u rikthye sërish duke mbledhur para për bamirësi.
Shfaqja inkurajoi fëmijët me Sindromën Down që të sfilonin në pistë dhe ata u shfaqën në mënyrën më të mirë. Të gjithë modelët mbanin veshur rroba nga stilistët më të mirë të modës. Disa prej tyre mbanin edhe veshje me slogane që përcillnin mesazhe të fuqishme, si dashuria për veten.
Në përfundim të këtij organizimi, drejtuesja tha se gjithçka tregoi fuqinë e këtij komuniteti dhe se kishin plane të tjera për t’i ndihmuar e fuqizuar më tepër.
Lumturia ishte padyshim e dukshme. Laura Lyle, një nga modelet, deklaroi pas shfaqjes, “Ishte vërtet argëtuese. Më pëlqente të ecja, duke u treguar të gjithëve veshjet dhe ndjehem sikur po ndryshojmë. “
Malik Jabbar, një model tjetër, i cili gjithashtu mori pjesë vitin e kaluar, tha se ishte i lumtur tek sfilonte dhe shikonte se njerëzit u buzëqeshnin atyre./pernenat