Fondacioni për Shoqëri të Hapur (KFOS) ka dorëzuar sot donacionin prej 100 mijë testeve molekulare të metodës RT PCR për diagnostikimin e Covid-19, në Ministrinë e Shëndetësisë në vlerë 1.5 milion euro.
Luan Shllaku, drejtor ekzekutiv i KFOS-it tha se këtë vit është shtuar në agjendën e tyre ndihma për institucionet e Kosovës dhe theksoi se ky kontribut do të ndihmojë qytetarët e Kosovës në ballafaqimin me pandeminë.
Në anën tjetër ministri Armend Zemaj tha, se lajmi i mirë është që kemi pranuar 100 mijë teste molekulare në shumën prej 1.5 milion dollarësh.
“Ky donacion është i rëndësishëm që ta kemi në kontroll situatën pandemike. Kjo ndihmë do na ndihmojë të gjithëve që të ecim sigurt më tutje. Se bashku me Qeverinë dhe kryeministrin Hoti ky lajm përveç që na gëzon na obligon të vazhdojmë përgatitjet për fazat e tjera të pandemisë Këto teste, por edhe të tjerat që janë, dhe që do të vijnë tutje, i dedikohen çdo qytetari të Republikës së Kosovës, në tërë territorin e vendit”, tha ministri Zemaj. /Gazeta Shneta/