Sipas një studim të ri të Shkollës së Mjekësisë të Universitetit të Stanfordit, u tregua se mund të jeni më të prirur për një rast të rëndë të Covid nëse qelizat tuaja imune funksionojnë më ngadalë se normalisht.
Poashtu ky studim, i cili u botua më 11 gusht në revistën Science, vëzhgoi përgjigjen imune të 76 personave të infektuar me Covid -19 dhe 69 njerëzve të shëndetshëm nga Hong Kong dhe Atlanta, Georgia.
Ata zbuluan se personat me rastet më të rënda të Covidit kishin qeliza imune që ishin më të ngadalta dhe më pak efektive në përgjigjen ndaj virusit SARS-CoV-2 përcjell Gazeta Shneta.
Përgjigja imune natyrale te të gjithë njerëzit është të ndiejmë më shpejt një virus dhe të fillojmë një sulm të menjëhershëm kundër tij.
Për të mësuar më shumë rreth komplikimeve të shtatëzanisë KLIKO KËTU.
Sidoqoftë, studimi i ri në Stanford zbuloi se qelizat imune në personat që përjetuan raste të rënda të Covidit ishin në të vërtetë mjaft të ngadalta, dhe më pak të menjëhershme në sulmin e tyre.
“Këto zbulime zbulojnë se si sistemi imunitar shkon keq gjatë infeksioneve të koronavirusit, duke çuar në sëmundje të rëndë dhe tregojnë për synime të mundshme terapeutike,” tha në një deklaratë Bali Pulendran, autor kryesor i studimit.
Ky studim, gjithashtu zbuloi se inflamacioni i rritur luan një rol në shtypjen e përgjigjes imune.
“Një nga misteret më të mëdhaja të infeksioneve Covid-19 ka qenë që disa njerëz zhvillojnë sëmundje të rëndë, ndërsa të tjerët duket se shërohen shpejt,” tha autori i studimit në një deklaratë.
“Tani kemi disa njohuri pse ndodh kjo” përfundoi ai. /Gazeta Shneta/