Truri ynë pëson ndryshime ndërsa plakemi.
Disa nga këto ndryshime mund të çojnë në rënie njohëse të lidhur me moshën shkruan burimi Medical News Today përcjell Gazeta Shneta.
Ekzistojnë ndërhyrje të mundshme për ngadalësimin e kësaj rënieje, duke përfshirë medikamente dhe ndryshime në stilin e jetesës.
Një studim i ri ka zbuluar se, për shkak të mënyrës se si plaket truri, ka disa mosha specifike ku ndërhyrjet për rënien njohëse mund të jenë më efektive.
Truri pëson disa ndryshime gjatë plakjes, përfshirë tkurrjen dhe humbjen e disa neuroneve, gjë që mund të çojë në simptoma të rënies njohëse të lidhur me moshën, si humbja e kujtesës, ngadalësimi i të menduarit dhe vështirësia në të mësuarit e gjërave të reja.
Studiuesit janë vazhdimisht në kërkim të ndërhyrjeve të reja për të ngadalësuar përparimin e rënies njohëse të lidhur me moshën, duke përfshirë medikamentet, stimulimin njohës dhe ndryshimet në stilin e jetesës, si dieta dhe aktiviteti fizik.
Tani, një studim i ri i publikuar së fundmi në revistën “PNAS” ka zbuluar se për shkak të mënyrës se si plaket truri, ekzistojnë një moshë ku ndërhyrjet për rënien njohëse mund të jenë më efektive.
Studiuesit konstatuan se efektet e degradimit të rrjeteve të trurit shfaqen për herë të parë rreth moshës 44-vjeç, me një përshpejtim maksimal të degjenerimit rreth moshës 67-vjeç dhe një fazë të stabilizuar deri në moshën 90-vjeç. /Gazeta Shneta/