Faringjiti dhe simptoma të tjera tani kanë zëvendësuar më shumë efekte anësore “tradicionale” të COVID-19 midis të vaksinuarve plotësisht.
Megjithatë, si viruset e tjera, dhe simptomat më të zakonshme të Covid-19 mund të ndryshojnë me zhvillimin e sëmundjes, shkruan Express.co.uk përcjell Gazeta Shneta.
Studimi Shëndetësor ZOE, i cili gjurmon simptomat e njerëzve të infektuar me virus, shpjegon se: “Ashtu si me të gjithë viruset, koronavirusi SARS-CoV-2 që shkakton COVID-19 po evoluon me shpejtësi si në aftësinë e tij për t’u përhapur dhe infektuar njerëzit, ashtu edhe simptomat që i shkakton”.
Aktualisht, ky studim rendit faringjitin si shenjën më të zakonshme.
Faringjiti njihet më shpesh si dhimbja e fytit dhe shkaktohet nga inflamacioni i faringut.
Sipas studimit të ZOE, pesë simptomat kryesore të Covid-19 në të vaksinuarit me të dyjat dozat janë:
– Dhimbje e fytit.
– Rrjedhje nga hunda.
– Hundë e bllokuar.
– Kollë e vazhdueshme.
– Dhimbje koke.
“Simptomat e mëparshme ‘tradicionale’ të përshkruara ende në faqen e internetit të qeverisë britaneze, të tilla si anosmia (humbja e nuhatjes), gulçimi dhe ethet renditen shumë më poshtë në listën e pozicioneve, përkatësisht në 6, 29 dhe 8.
“Një kollë e vazhdueshme tani renditet në vendin e pestë nëse keni pasur dy doza vaksinash, kështu që nuk është më treguesi kryesor i të pasurit Covid.
“Çuditërisht, ne vumë re se njerëzit që ishin vaksinuar dhe më pas rezultuan pozitivë për Covid-19 kishin më shumë gjasa të raportonin teshtitjen si simptomë në krahasim me ata që nuk ishin të prekur nga virusi”. /Gazeta Shneta/