Klinika Amerikane “Dr. Behar Kusari” ka rihapur shërbimin për frytnim të asistuar dhe do të fillojë punën pas përfundimit të pandemisë në Kosovë.
Lajmi është bërë i ditur nga vet klinika në një postim në faqen zyrtare ku thuhet se Klinika Amerikane ka marr nën përkujdesje të gjitha embrionet, pasi të njëjtat kishin qëndruar për rreth 1 vit në Klinikën e Gjinekologjisë në QKUK. “Të gjitha tanket e embrioneve janë pranuar në klinikën tonë dhe vazhdojnë të menaxhohen tashmë nga ne”, thuhet në njoftim, transmeton Gazeta Shneta.
“Mirëpo, për arsye të qarkores informative të lëshuar nga Ministria e Shëndetësisë për qështjen e pandemisë së Coronavirusit (COVID 19) momentalisht të gjitha institucioneve shëndetësore private dhe publike, na është ndaluar që të ofrojmë shërbimet elektive, por vetëm ato emergjente”, thuhet tutje në njoftim.
Klinika ka deklaruar se është në shërbim të pacientëve që kanë nevojë për informata për këtë çështje.
Njoftimi i plotë:
Të dashur PACIENTË të Klinikës Amerikane “Dr. Behar Kusari”
Për arsye të korrektësisë dhe përgjegjësisë ndaj secilit pacientë, dëshirojmë të ju informojmë që Klinika Amerikane “Dr. Behar Kusari” tashmë ka RIHAPUR shërbimin e Frytnimit të Asistuar Mjeksor dhe të gjitha tanket e embrioneve janë pranuar në klinikën tonë dhe vazhdojnë të menaxhohen tashmë nga ne.
Mirëpo, për arsye të qarkores informative të lëshuar nga Ministria e Shëndetësisë për qështjen e pandemisë së Coronavirusit (COVID 19) momentalisht të gjitha institucioneve shëndetësore private dhe publike, na është ndaluar që të ofrojmë shërbimet elektive, por vetëm ato emergjente.
Për secilin pacient që dëshiron të informohet rreth procedurës ku kanë mbetur apo për informata shtesë, ju mirëpresim të na kontaktoni. Gjithashtu ju garantojmë që ky shërbim tashmë mund të ofrohet nga klinika, duke bashkëpunuar me po të njejtin staf mjekësor dhe administrativ, si dhe të gjitha embrionet e pacientëve që ndodhen në tanke janë nën kujdesin tonë, sipas protokolit dhe udhëzimeve të caktuara.
Ju urojmë shëndet dhe rekomandojmë kujdes të shtuar ndaj virusit COVID 19,
Me respekt,
Klinika Amerikane “Dr. Behar Kusari”