Klinika Emergjente ka reaguar ndaj deklaratave të kryetarit të partisë LDK, z. Lumir Abdixhiku, i cili, në një debat televiziv, ka pretenduar se “dhjetëra vdekje ndodhin brenda vitit në emergjencë dhe se transfuzioni vonohet 40 minuta nga objekti i Transfuzionit të Gjakut.”
Klinika Emergjente ka hedhur poshtë këto deklarata, duke i quajtur plotësisht të pabaza dhe pa asnjë mbështetje faktike, përcjell Gazeta Shneta.
Sipas Klinikës, asnjëherë gjatë historikut të saj, që nga vitit 1999, nuk ka ndodhur një situatë e tillë. Bashkëpunimi dhe koordinimi me Qendrën Kombëtare të Transfuzionit të Gjakut është shumë i mirë dhe nuk ka mungesë të gjakut në Klinikën Emergjente.
Klinika Emergjente theksoi se asnjë pacient nuk ka vdekur ose ka pësuar për shkak të mungesës së gjakut dhe apeloi që të mos cënohet puna e palodhur dhe angazhimi i stafit të saj, i cili është në shërbim të pacientëve 24 orë në ditë./ Gazeta Shneta/
Reagimi i plotë: