Klinika e Kardiokirurgjisë në Dortmund të Gjermanisë ka themeluar ekipin mobil për ECMO, të cilët do të shpëtojnë jetë së bashku me ekipin e urgjencës.
Nëse një pacient pëson dështim të funksionit të zemrës në shumicën e rasteve nuk i mbijeton transportit deri në klinikë. Por tani me formimin e këtij ekipi mobil të kardiokirurgëve në krye me Prof. Dr. Alexander Albert, do të mundësojë që pacientët të lidhen me aparaturën ekstrakorporale mobile gjatë transportimit për të siguruar dërgimin e pacientit gjallë deri në sallën e operimit në klinikë, shkruan Gazeta Shneta.
Në këtë ekip të mjekëve gjermanë është edhe kardiokirurgu i njohur kosovar Dr. Besnik Kojcici. Ai ka treguar për Gazetën Shneta se ka qenë i pari që pas formimit të ekipit kanë trajtuar rastin e parë. “Ka rastisur të jem kujdestar atë ditë dhe ishtë gjë e mrekullueshme të shpëtojmë pacientin nga vendi i ngjarjes. Është një revolucion mjekësor”.
Drejtori i klinikës Prof. Albert, ka thënë se me këtë ekip po synojnë të parandalojnë më të keqen tek pacientët. “Me këtë synojmë të ndalim më të keqen dhe të shkojmë tek pacientët me aparaturë mobile. Nëse veproni shpejt, atëherë keni një mundësi. Prandaj ne duam ta shfrytëzojmë këtë mundësi”, ka deklaruar Prof. Albert, thuhet në njoftimin e klinikës.
Ekipa mobile e cila përbëhet nga një kardiokirurg dhe një teknik të kardiokirurgjisë, do të jetë në shërbim 24 orë për rastet potenciale. Ekipa mobile supozohet të vendos pacientët në makinën ECLS, e cila merr zëvendëson funksionin e zemrës dhe mushkërive. Kjo do t’i jap kohë transportimit të pacientit në sallën operative në klinikë.
“Në klinikën tonë jemi të përgatitur për të ofruar shërbimet e duhura për pacientët”, ka deklaruar Prof. Albert. /Gazeta Shneta/