Qumështi i parë që prodhohet nga gjiri gjatë shtatzënisë quhet kolostrum. Ai fillon të zhvillohet rreth javës së 16-të të shtatzënisë dhe vazhdon deri në ditët e para pas lindjes së foshnjës. Kolostrumi është i pasur me proteina, yndyrë, energji dhe antitrupa që ndihmojnë në forcimin e imunitetit të të porsalindurit.
Ky lëng zakonisht ka ngjyrë të verdhë dhe strukturë të trashë, megjithëse mund të jetë edhe më i hollë ose me ngjyrë të bardhë. Sasia që prodhohet është e vogël, por shumë e vlefshme për foshnjën dhe tretet lehtë nga sistemi i saj tretës.
Ekspertët rekomandojnë që stimulimi i kolostrumit të fillojë vetëm pas javës së 36-të të shtatzënisë. Kjo praktikë mund të ndihmojë nënat të përgatiten për gjidhënie, të krijojnë rezervë qumështi për raste kur foshnja ka vështirësi në ushqyerje dhe të shmangin përdorimin e formulës artificiale.
Megjithatë, kjo nuk rekomandohet për gratë që kanë rrezik për lindje të parakohshme, gjakderdhje gjatë shtatzënisë, probleme me qafën e mitrës apo placenta previa.
Stimulimi i gjirit mund të shkaktojë kontraksione, ndaj është e rëndësishme të konsultoheni me mjekun ose maminë përpara se të filloni.
Ky tekst është marrë nga burimi Pregnancy Birth Baby dhe është përkthyer dhe redaktuar nga Gazeta Shneta.