Një studim i ri sugjeron se kombinimi i Saxenda dhe ilaçeve të ngjashme të GLP-1 me ushtrimet fizike mund të ndihmojë në mbajtjen e kockave të forta ndërsa humbni peshë.
Ilaçet e reja për diabetin e tipit 2 dhe për humbjen e peshës të quajtur agonistët e receptorit GLP-1 mund të ndihmojnë në humbjen deri në 20% të peshës trupore, shkruan burimi Health News përcjell Gazeta Shneta.
Megjithatë, pavarësisht se obeziteti është një faktor rreziku për sëmundje të shumta kronike, humbja e shpejtë e peshës mund të përbëjë gjithashtu rreziqe për shëndetin, duke përfshirë humbjen e densitetit të kockave, gjë që rrit rrezikun e osteoporozës.
Një studim i ri i botuar në “JAMA Network Open”, sugjeron se kombinimi i ushtrimeve dhe ilaçit liraglutide, një lloj agonisti i receptorit GLP-1 i shitur nën emrat e markave Saxenda dhe Victoza, është strategjia më efektive e humbjes së peshës duke ruajtur shëndetin e kockave.
Studimi analizoi të dhënat nga një provë klinike që përfshinte 195 të rritur të moshës 18 deri në 65 vjeç me obezitet dhe pa diabet.
Pjesëmarrësit u ndanë rastësisht në katër grupe: 48 pjesëmarrës në grupin e ushtrimeve, 49 pjesëmarrës në grupin e liraglutidit, 49 pjesëmarrës në grupin që kombinonte stërvitjen dhe liraglutidi, dhe 49 pjesëmarrës në grupin placebo.
Gjatë ndërhyrjes njëvjeçare, pjesëmarrësit në grupin placebo humbën mesatarisht 7.03 kg, krahasuar me 11.19 kg në grupin e ushtrimeve, 13.74 kg në grupin e ilaçit liraglutidit dhe 16.88 kg në grupin e kombinuar. Individët që ushtronin dhe morën liraglutide panë gjithashtu reduktimin më të madh të yndyrës në trup.
Pjesëmarrësit që kombinuan liraglutidi me ushtrime nuk pësuan reduktime në densitetin mineral të kockave (BMD), ndryshe nga grupi placebo, i cili pa ulje të këtij faktori BMD në ijë dhe shpinë.
Megjithëse studimi thekson rëndësinë e ushtrimeve gjatë marrjes së liraglutidit, autorët vënë në dukje se të gjithë pjesëmarrësit ishin pa sëmundje kronike. Prandaj, rezultatet mund të mos jenë të përgjithësueshme për pacientët me diabet ose individë të moshuar që janë në rrezik më të lartë të frakturave të kockave. /Gazeta Shneta/