Komisioni Disiplinor shumë i butë me Radiologjinë, shumë i ashpër me klinikat tjera
Komisioni Disiplinor në Qendrën Klinike Universitare të Kosovës i udhëhequr nga Shpend Haxhibeqiri, po shfaqet shumë i butë në raport me skandalet e Radiologjisë, ndërsa shumë i ashpër me klinikat tjera.
Ky Komision ka marr masa së fundi ndaj tre mjekëve kardiologë për disa deklarata të tyre në media.
Para disa muajsh pati ndëshkuar ish-drejtorin e Anestezionit, pasi në këtë klinikë kishte munguar një specialiste, ndonëse Nehat Baftiu kishte marr masa ndaj saj. Komisioni poashtu ka shqiptuar masa të ashpra edhe ndaj drejtorëve tjerë, por jo edhe ndaj menaxhmentit të Radiologjisë të cilëve madje po tentohet t’ju krijohen edhe lehtësira.
Në muajin gusht drejtori i SHSKUK-së e paraqiti në Komision Disiplinor drejtorin e Radiologjisë Bujar Gjikollin, pasi në këtë klinikë ishte zhdukur muaj më parë një USB e rentgenit dhe rasti nuk ishte lajmëruar as në SHSKUK e as në organet e drejtësisë.
Rasti nisi të hetohej nga Policia, e Komisioni vendosi ta pezulloj rastin deri në përfundimin e hetimeve, ndonëse procedura disiplinore ishte iniciuar pasi zhdukja e pajisjes nuk ishte raportuar në Polici.
Gjikolli tani po përballet edhe me një tjetër procedurë disiplinore për shkak të parregullësive dhe skandaleve me kujdestaritë të evidentuara nga Auditori i Brendshëm.
Por Gazeta Shneta ka mësuar nga burime se Komisioni Disiplinor sërish po tenton të bëhet i butë ndaj këtij skandali, duke plotësuar një kërkesë për ndërrimin e njërit nga anëtarët e komisionit.
E kjo nuk është hera e parë, pasi për rastin e USB-së Komisioni kishte ftuar në takim një sindikalist i cili nuk ishte fare anëtar. /Gazeta Shneta/