Ministria e Shëndetësisë ka publikuar ofertat në tenderin me titull “Vazhdim i Ndërtimit – Qendra e Mjekësisë Emergjente ne QKUK”. Për këtë tenderë janë planifikuar mbi 22.5 milionë Euro.
Tenderit 22.5 milionë eurosh për vazhdimin e projektit për ndërtimin e Qendrës Emergjente në QKUK, i kanë mëyrë tetë grupe operatorësh, mes të cilave edhe kompani nga Turqia, Shqipëria dhe Maqedonia Veriore, shkruan Gazeta Shneta.
Në këtë tender kanë aplikuar kompanitë si në vijim: Grupi i operatorëve ekonomik “Raf II Shpk” nga Tirana. Kjo kompani ka ofertuar me çmim prej 20,999,999.62 Euro.
Grupi i operatorëve “Ada Consulting Group”, “SHM Achitecture”, “Vllezërit Asllani”, “Progeen”, kanë ofertuar me çmim prej 19,849,450.02 Euro.
Grupi “Ak Invest Dooel” dhe “Hidro Project” nga Tetova kanë ofertuar me çmim 21,989,734.33 Euro.
Grupi “Mabco Construction”, “AAG Project”, “IMK” kanë ofertuar me çmim 22,238,586.22 Euro.
“BM Group SHPK” nga Prishtina kanë ofertuar me çmim 19,943,163.85 Euro.
Grupi i operatorëve ekonomik “Testkon Proses Degerli Madenler Finansal Danismanlik Tic” dhe “Fidola SHPK” nga Stambolli, kanë ofertuar me çmim 20,352,351.99 Euro.
Grupi “Standard Beton”; “Liv Global Yapi Insaat Taahhut ve Ticaret”, kanë ofertuar me çmim 20,877,369.67 Euro.
Grupi i operatorëve “Nika Pro-Ing”, “Pro & Co Group” dhe “Anion Mep Contracting”, kanë ofertuar me çmim 20,310,834,88 Euro.
Gazeta ka raportuar para disa javësh për këtë tender të cilin MSh në vitin 2023 e publikoi me çmim 15.8 milionë Euro, ndërsa këtë vit çmimi shkoi në 22.5 milionë Euro. /Gazeta Shneta/