Prodhuesi i barnave Merck njoftoi të hënën se kompania paraqiti një aplikim për autorizim të përdorimit emergjent tek Administrata e Ushqimit dhe Barnave (FDA), për barin e tyre antiviral të formës orale të quajtur molnupiravir.
Sipas komapanisë Merck, ky parashtrim bazohet në rezultatet pozitive nga analiza e planifikuar e ndërmjetme nga faza 3 e provës klinike MOVe-OUT, shkruan Healthline përcjell Gazeta Shneta.
Hulumtimi vlerësoi se Molnupiravir në pacientë të rritur – me COVID-19 të formës së butë deri të moderuar, zbuloi se bari uli rrezikun e shtrimit në spital ose vdekjes me rreth 50 përqind.
“Ndikimi i jashtëzakonshëm i kësaj pandemie kërkon që ne të lëvizim me urgjencë të paparë, dhe kjo është ajo që ekipet tona kanë bërë duke dorëzuar këtë kërkesë për molnupiravir në FDA brenda dhjetë ditëve nga marrja e të dhënave,” tha Robert M. Davis, shefi ekzekutiv dhe kryetar i kompanisë Merck, në një deklaratë. /Gazeta Shneta/
