25 psikolog priten të punësohen nëpër shkollat e Prishtinës, pasi që sot, pikërisht në “Ditën Botërore të Shëndetit Mendor” komuna ka hapur konkurs.
Drejtoresha e Arsimit në kryeqytet, Besianë Musëmurati, përmes një njoftimi ka bërë të ditur se konkursi është hapur sot.
“Sot e hapëm konkursin për punësimin e 25 psikologëve shkollorë dhe dëgjuam kërkesat e nxënësve, prindërve dhe mësimdhënësve të Prishtinës. Nuk do ta lëmë asnjë shkollë pa psikolog! Një zotim i përmbushur për të jetësu planin për siguri në shkolla”, ka shkruar ajo në Facebook.
Ajo gjithashtu ka shkruar se nuk do të ndalen së përmirësuari ambientet shkollore së bashku me Këshillin e Nxënësve dhe Departamentin e Psikologjisë së Universitetit të Prishtinës.
“Çdo shkollë duhet të jetë miqësore për të gjithë pa përjashtim”, ka shkruar drejtoresha.
10 tetori është dita botërore e shëndetit mental, ditë kjo e cila shënohet në të gjithë botën. /Gazeta Shneta/
