Kryeqyteti nga sot është bërë me Poliklinikë Stomatologjike me vendim të Kuvendit Komunal.
Drejtori për Shëndetësi Izet Sadiku ka thënë se me themelimin e kësaj poliklinike do të rregullojë sistemin shëndetësor stomatologjik në mes të sistemit primar dhe terciar, transmeton Gazeta Shneta.
Njoftimi i plotë nga Sadiku:
Pas një angazhimi të gjatë, me propozimin e drejtorisë së shëndetësisë, Kuvendi Komunal i keyqytetit në mënyrë unanime me votat e të gjithë asambleistëve ka marë vendim për themelimin e Poliklinikës Stomatologjike si institucion shëndetësor sekondar. Në këtë mënyrë po trasohet rruga edhe për institucionet tjera shëndetësore të nivelit sekondar.
Funksionalizimi i sistemit sekondar shëndetësor stomatologjik në kryeqytet:
❇️rregullon sistemin shëndetësor stomatologjik duke përmbushur hapsirën egzistuese në mes të sistemit aktual primar dhe terciar.
❇️rregullon rolin e profileve shëndetësore dhe ofrimin e shërbimeve të avancuara
❇️rregullon sistemin e referimit në ofrimin e shërbimeve të cilat po rriten vazhdimisht
❇️rrit kualitetin dhe standardin e ofrimit të shërbimeve shëndetësore stomatologjike.
Sipas një raporti të OBSh-së të vitit 2022, vlerësohet se sëmundejt orale atakojnë afërsisht 3.5 miliardë njerëz në mbarë botën. Këtu bëjnë pjesë edhe qytetarët tanë për të cilët tanimë do të ketë një kujdes të shtuar dhe më kualitativ!