Kongresi i Pestë i Obstetërve dhe Gjinekologëve të Kosovës është përmbyllur sot me përzgjedhjen e Naser Rafunës në krye të Shoqatës.
Kongresi i Pestë i Obstetërve dhe Gjinekologëve i organizuar nga shoqatat e Gjinekologëve të Kosovës dhe Shqipërisë, në bashkëpunim me Odën e Mjekëve të Kosovës është përmbyllur sot, shkruan Gazeta Shneta.
Në këtë kongresë kanë marr pjesë specialistë nga Kosova e Shqipëria ku kanë paraqitur punimet e tyre. Në kuadër të kongresit janë ndarë edhe mirënjohje për specialistë të gjinekologjisë për kontributin e tyre.
Kongresi ka përmbyllur punimet me mbajtjen e kuvendit të Shoqatës së Gjinekologëve të Kosovës ku është zgjedhur kryetari i ri.
Gjinekologu Naser Rafuna është zgjedhur kryetar me 30 vota, kundrejt ish-kryetarit Prof. Shefqet Lulaj i cili është votuar nga 25 anëtarë të shoqatës.
Rafuna në fjalën e tij përshëndetëse ka bërë thirrje për bashkëpunim të gjinekologëve në të gjithë Kosovën për avancimin e shërbimeve gjinekologjike dhe obstetrike. /Gazeta Shneta/