Shërbimi Spitalor Klinik dhe Universitar ka hapur konkurs për drejtorë në katër pozita, tre spitale të përgjithshme dhe për zyrën e prokurimit.
Shërbimi Spitalor dhe Klinik Universitar i Kosovës (SHSKUK) ka shpallur konkurse për pozitat e Drejtorit të Spitalit të Përgjithshëm në Mitrovicë, Ferizaj dhe Gjakovë. Kandidatët e suksesshëm do të përgjigjen për drejtimin dhe koordinimin e operacioneve, aktiviteteve financiare dhe administrative të spitalit në përputhje me ligjet dhe politikat e Ministrisë së Shëndetësisë.
Aktualisht këto spitale udhëhiqen nga ushtrues detyre.
Në të njëjtin kohë, në Administratën Qendrore të SHSKUK-së, një pozitë e rëndësishme është e hapur për Shefin e Divizionit të Prokurimit. Kandidatët e kësaj pozite do të kenë përgjegjësi për identifikimin e nevojave të prokurimit, përgatitjen e dokumenteve të prokurimit, dhe sigurimin e zbatimit të metodologjisë së prokurimit për të garantuar që operacionet e prokurimit janë transparente dhe ligjore.
Kujtojmë se SHSKUK edhe më parë kishte hapur konkursin për drejtorin e Prokurimit por i njëjti ishte anuluar. Aktualisht kjo njësi udhëhiqet nga ud.drejtori Selami Krasniqi.
Për më shumë informacion dhe për të aplikuar për këto pozita, aplikantët mund të vizitojnë faqen zyrtare të internetit të SHSKUK-së ose të marrin aplikacionet në zyrat e përgjegjësve të burimeve njerëzore në institucionet përkatëse. /GazetaShneta/