Studiuesit në Itali kanë detajuar një raport rasti në lidhje me një paciente me koronavirus ku u zbulua se kishte grimca virale infektive në sytë e saj shumë kohë pasi infeksioni pastrohej nga hunda.
Gruaja 65-vjeçare, e cila fluturoi nga Wuhan në Itali në janar dhe filloi të përjetojë simptoma të koronavirusit pesë ditë më vonë u bë rast studimi për një karakteristikë të vecantë shkruan Daily Mail përcjell Gazeta Shneta.
Në ditën e tretë në spital, mjekët morën mostër nga sytë e saj dhe zbuluan se ajo kishte material gjenetik nga koronavirusi.
Mjekët vazhduan të merrnin çdo ditë nga një mostër të syve dhe gjetën që virusi që zgjati deri në ditën e 21-të.
Ndërsa virusi ishte atëherë i padukshëm si në sy ashtu edhe në hundë për disa ditë, ai u zbulua në një shtupë syri përsëri në ditën e 27-të.
Me shqetësuese, testet laboratorike të këtyre shtupave të syve zbuluan se virusi ishte akoma infektiv.
Në studimin e rastit, të botuar në ‘Annals of Medicine’ studiuesit, të udhëhequr nga Dr Francesca Colavita, shkruan:
“ARN-ja (materiali gjenetik) i SARS-CoV-2 u zbulua në tamponët e syve disa ditë pasi që virusi ishte i padukshëm në tamponet e hundës.
“Ne zbuluam që lëngjet okulare nga pacientët e infektuar nga SARS-CoV-2 mund të përmbajnë virus infektiv, dhe kështu mund të jenë një burim i mundshëm i infeksionit.
“Këto gjetje theksojnë rëndësinë e masave të kontrollit, siç është shmangia e prekjes së hundës, gojës dhe syve dhe larja e shpeshtë e duarve”.
Studimi i rastit vjen menjëherë pasi ekspertët zbuluan se syri rozë, ose konjunktiviti, zhvillohet në rreth 1-3% të njerëzve me koronavirus. /Gazeta Shneta/