Një shqiptare nga Kosova, e cila identifikohet me emrin Flora, ka lindur një djalë në moshën 58-vjeçare për herë të parë. Foshnja mësohet të ketë lindur me peshë prej 3360 gramësh dhe me gjatësi prej 53 centimetra, ka bërë të ditur spitali i Leverkusenit.
“Është një djalë i shëndetshëm, 3360 gramë në peshë dhe 53 centimetra në madhësi”, thuhet në raportin e spitalit të Leverkusen-it.
Nëna Flora dhe djali Floriani janë mirë, aktualisht po shërohen në repartin e lindjes, thonë mjekët e spitalit, shkruan Bild, përcjell Telegrafi.
Flora ka thënë se ka pritur një jetë të tërë, për të lindur fëmijën e parë.
Pas një shtatzënie krejtësisht normale, foshnja ishte marrë nga prerja cezariane për të mos rrezikuar për ndonjë komplikim të papritur.
I lumtur dhe krenar është shprehur edhe babai i të porsalindurit, Sjdi (72 vjeç), i cili ka thënë se plot 24 vite kishte dashur një fëmijë.
“Floriani është kaq e bukur. Ai ka sytë dhe hundën time. Ai është një dhuratë, një mrekulli e vërtetë”, tha ai.
Gjinekologia që ka asistuar në lindjen e Florës, ka thënë se në dhjetë vitet e saj në spitalin në Leverkusen, ajo kurrë nuk kishte përjetuar një lindje të tillë.
“Kjo ishte gjithashtu një eksperiencë emocionuese për mua. Ne kemi raste të ndryshme, por një shtatzëni në moshën 58-vjeçare – kjo është shumë e veçantë “, thotë ajo.