Mbi 2,500 punonjës shëndetësorë të institucioneve shtetërore kanë marrë vaksinën anti covid.
Lajmin për këtë e ka bërë të ditur Ministria e Shëndetësisë, përmes një postimi në Facebook shkruan Gazeta Shneta.
Sipas njoftimit, në ditët në vijim vaksinimi pritet të zgjerohet në mesin e punonjësve shëndetësor në Kujdesin Parësor Shëndetësor dhe më pas tek moshat e shtyra.
Lexoni më poshtë njoftimin e plotë:
Ka vazhduar vaksinimi i punëtorëve të institucioneve publike shëndetësore në Kosovë.
Përmes vaksinimit kundër COVID-19, synohet të arrihet imunizimi aktiv për të parandaluar COVID-19, të shkaktuar nga virusi SARS-Cov-2.
Që nga fillimi i vaksinimit, në palestrën “1 Tetori” në Prishtinë dhe në shtatë komunat ku është i organizuar Kujdesi Dytësor Shëndetësor, janë vaksinuar mbi 2500 punonjës të institucioneve shëndetësore. Ditët në vijim, vaksinimi shtrihet në mesin e punonjësve shëndetësor në Kujdesin Parësor Shëndetësor dhe më pas, edhe tek moshat e shtyra, sipas Planit Shtetëror të Vaksinimit kundër COVID-19.