Llojet e tjera të demencës dhe gjendjeve njohëse shpesh herë keqdiagnostikohen si sëmundja e Alzheimerit.
Studiuesit kanë identifikuar një gjendje tjetër të humbjes së kujtesës të quajtur Sindroma Neurodegjenerative Amnestike Mbizotëruese Limbike (LANS) që shpesh keqdiagnostikohet si Alzheimer, raporton Medical News Today përcjell Gazeta Shneta.
Shkencëtarët kanë zhvilluar kritere të reja për të ndihmuar mjekët të diagnostikojnë më mirë gjendjen.
Megjithëse sëmundja e Alzheimerit është lloji më i zakonshëm i demencës, llojet e tjera të tilla si demenca e trupave Levi dhe demenca frontotemporale mund të diagnostikohen gabimisht si Alzheimer sepse të gjitha ndajnë simptoma shumë të ngjashme.
Ky është gjithashtu rasti për kushte të tjera neurologjike të lidhura me moshën, siç është dëmtimi i butë kognitiv.
Tani, shkencëtarët nga Klinika Mayo kanë identifikuar një gjendje tjetër të humbjes së kujtesës që gjendet tek të moshuarit që shpesh keqdiagnostikohet si sëmundja e Alzheimerit. Studiuesit kanë zhvilluar kritere të reja për të ndihmuar mjekët në diagnostikimin e kësaj gjendje të quajtur LANS.
Zhvillimi i kritereve diagnostikuese për LANS:
– pacienti paraqitet me një gjendje neurodegjenerative të ngadaltë, mbizotëruese me humbje të kujtesës që ka përparuar gradualisht për dy ose më shumë vjet që nuk mund të lidhet me një sëmundje tjetër.
– mosha 75-vjeç e sipër;
– sindroma e lehtë klinike;
– atrofi disproporcionale hipokampale;
– memorie semantike e dëmtuar;
– hipometabolizm limbik dhe mungesa e degjenerimit neokortikal;
– probabilitet i ulët i patologjisë tau neokortikale.
Studimi është publikuar së fundmi në revistën “Brain Communications”. /Gazeta Shneta/