Gjendja e furnizimit me ujë në qytetin e Rahovecit është stabile, njoftojnë nga Kompania Rajonale e Ujësjellësit “Gjakova”.
Në një postim në Facebook kjo kompani thekson se aktualisht i gjithë qyteti është i furnizuar me ujë të pijshëm, pas reduktimeve me të cilët u përballën rahovecianët.
“Për të ruajtur stabilitetin në Zonën 2 dhe Zonën 3, deri të enjten do të vazhdojmë me reduktime të përkohshme në furnizim deri në 80% të Zonës 1, gjatë orarit nga ora 23:00 deri në 05:00”, thuhet tutje në njoftim.