Kryeprokurori i Prishtinës Kujtim Munishi ka marr pjesë në një simpozium të organizuar nga drejtori i Klinikës së Radiologjisë. Në këtë klinikë para disa muajsh është zhdukur një USB dhe rasti është hapur në Policinë e Kosovës nga menaxhmenti i SHSKUK-së
Kryeprokurori i Prokurorisë Themelore të Prishtinës Kujtim Munishi ka marr pjesë në një simpozium të organizuar nga ojq KOMC e cila udhëhiqet nga Bujar Gjikolli-drejtori i Klinikës së Radiologjisë në QKUK. Simpoziumi është mbajtur në Kolegjin AAB, shkruan Gazeta Shneta.
Munishi është përshëndetur nga Gjikolli dhe rektori i Kolegjit AAB Bujar Demjaha, për pjesëmarrjen e tij në këtë simpozium.
Kujtojmë se para disa muajsh në Klinikën e Radiologjisë e cila udhëhiqet nga Gjikolli, është zhdukur një USB në vlerë mbi 6 mijë euro. Rasti nuk ishte raportuar nga menaxhmenti i klinikës.
Pasi ishte zbuluar nga Bordi Drejtues i SHSKUK-së, menaxhmenti e kishte raportuar rastin në Policinë e Kosovës, ndërsa ndaj Gjikollit u iniciua procedurë disiplinore.
Komisioni Disiplinor i udhëhequr nga Shpend Haxhibeqiri i cili poashtu ishte i pranishëm në këtë simpozium, vendosi që ta pezullojë procedurën disiplinore deri në mbarimin e hetimit nga Policia e Kosovës. /Gazeta Shneta/