Kryetari i Komisionit Disiplinor me plot gabime drejtshkrimore i ka atribuuar merita shefes së tij ud.Pranvera Zejnullahu-Raçit, për rastin e shpëtimit të jetës së një të riu gjatë ditës së djeshme.
Një i ri i therur me thikë gjatë ditës së djeshme i është shpëtuar jetë nga mjekët në Qendrën Klinike Universitare të Kosovës, shkruan Gazeta Shneta.
E për shpëtimin e jetës së këtij te riu dikush po ia atribuon meritat ud.drejtoreshës së SHSKUK-së Pranvera Zejnullahu-Raçi.
Kështu po mendon kryetari i Komisionit Disiplinor Valton Ahmetxhekaj, i cili i ka dedikuar Zejnullahu-Raçit një postim në Facebook me plot gabime drejtshkrimore. Madje edhe emrin e mbiemrin e ud.drejtoreshës e ka shkruar me gabime.
“Nje nder punet e medha te palodhshme qe bejne Doktorret dhe stafi Qkuk.SHSKUK eshte duke shkuar qdo dit me shum drejt sukseseve ne krye me Drejtoreshen e nderuar Dr.Panvera Zajnuallahu Raqi”, thuhet në postimin e Ahmetxhekajt.
Ahmetxhekaj ishte përzgjedhur kryetar i Komisionit Disiplinor në kohën kur SHSKUK udhëhiqej nga ish-drejtori Valbon Krasniqi. Ahmetxhekaj ishte pjesë e strukturave të Partisë Demokratike të Kosovës në vitin 2019. /Gazeta Shneta/
