Punëtorët teknikë në Qendrat e Mjekësisë Familjare në Prishtinë ndaluan punën për disa minuta pasi iu kishte skaduar kontrata.
Por pas takimit të kryetarit të sindikatës së pavarur të sektorit privat, Jusuf Azemi me drejtorin e shëndetësisë në Prishtinë, Izet Sadiku dhe zyrtarëve tjerë u mor vendimi se që nga e hëna punëtoret do të jenë më kontrata dhe me paga të reja, nga 220 sa e kanë aktualisht në 400 euro.
Të martën punëtorët teknik në Qendrat e Mjekësisë Familjare në Prishtinë nuk e nisën punën si zakonisht.
Por të gjithë u bën bashkë e u ulën në këtë vend për të pritur kryesindikalistin e sektorit privat, Jusuf Azemi.
Azemi, tha që kjo kërkesë për ndaljen e shërbimeve higjienike u bë për shkak që punëtorëve i ka skaduar kontrata.
Po ashtu kryetari i sindikatës së sektorit privat, tha që kërkesë e punonjësve është edhe rritja e pagës.
Çështja e pagës krijoi edhe shqetësime tek punëtorët.
“220 tash na kanë thënë, 270 e kena marrë të fundit po qe sot i 5-ti e hala s’kemi marrë rrogë, kush nuk din çka po bohet veç Zoti ishalla ndor na ka”, u shpreh punëotrja Miradije Makolli.
Ndërsa Kumrije Shabani përveç pagës ka edhe kërkesa tjera.
Mënyra me e mirë kish me qenë na mu kthy me të shtetit qysh kemi qenë po na kane privatizu për interesa të vetat se për neve s’u kanë ngusht kërkush por edhe pagën me pas ma të naltë”, deklaroi Shabani.
Pasi kryetari Azemi i bëri kërkesat, u ngjit një kat më lart.
Aty u takua me Drejtorin e Shëndetësisë në Komunë të Prishtinës, Izet Sadiku dhe zëvendës drejtorin e QKMF-së, Rrezart Halilin.
Pas gjysmë orë, Sadiku dhe Halili morën një vendim.
“Drejtori kërkon nga ne që të punojmë deri të premten, të premten eventualisht të hënën do i kemi kontratat, dhe morëm një lajm të mirë që paga do të jetë 400 euro”, tha Azemi.
Në kontratën e re paga do të jetë me rritje ashtu siç u morëm vesh me 400 euro bruto”, tha drejtori i Shëndetësisë në Prishtinë, Izet Sadiku.
E kështu me shtrëngime duarsh, ata u pajtuan në mes vete dhe punëtorët iu kthyen punës./tëvë1/