Shumica e grave shtatzëna e dinë se duhet të shmangin gjëra të tilla si alkooli apo duhani gjatë kohës që janë shtatzënë, si dhe ushqime të caktuara si sushi dhe djathrat e butë. Por jo shumë gra shtatzëna kanë dëshirë të largohen nga parfumat apo kremrat e tyre.
Problemi qëndron tek një lloj elementi kimik që quhet ftalat. Është pothuajse e pamundur ta shmangësh krejtësisht, pasi është e përhapur kudo. Ftalatet gjenden në prodhime plastike, duke përfshirë paketimin, lodra dhe veglave të kopshtit, si dhe në kozmetikë dhe produkte të tjera të kujdesit personal.
Ata mund të veprojnë si hormone dhe të ndërhyjnë në zhvillimin gjenital të mashkullit, si dhe të rrisin rrezikun e sëmundjeve kardiovaskulare dhe diabetit. Rreziqet e ftalateve, megjithatë, fillojnë para lindjes. Një studim tregoi se fëmijët nënat e të cilave ishin të ekspozuar ndaj ftalateve gjatë shtatëzanisë kishin më shumë gjasa të kishin probleme me veprimet normale të trupit, jo vetëm në sporte por edhe në aktivitetet e përditshme, transmeton Gazeta Shneta.
Edhe nëse është e pamundur të shmanget tërësisht, ekzistojnë mënyra se si gratë mund të ulin ekspozimin ndaj tyre:
Kufizimi i ekspozimit ndaj plastikës, sidomos çdo gjë me numrin 3 ose 7 mbi to. Përdorni enë qelqi, qeramike ose metalike për ushqim dhe pije; Mundohuni të blini ushqime që nuk vijnë në paketim plastik.
Nëse ju duhet të përdorni plastikë, lani atë me dorë, në vend se në pjatalarëse për të kufizuar kullimin nga kimikatet; Shmangni çdo gjë me aromë në të, pasi fthalatet përdoren zakonisht për të krijuar aromat.
Shikoni produktet kozmetike dhe personale të punuar me dorë që nuk përdorin asnjë kimikate Prodhimet si mjalti, vaji i kokosit, sode buke, uthull dhe kripë mund të përdoren në vend të shumë produkteve të bukurisë komerciale; Lani duart shpesh me sapun dhe ujë.
Pasi fëmija të lindë, vazhdoni të jeni të vetëdijshëm për kimikatet që mund të shkaktojnë dëm. Ne nuk mund t’i shpëtojmë të gjitha kimikateve të dëmshme rreth nesh, por duhet të provojmë gjërat më të sigurta për fëmijët tanë./Gazeta Shneta/