Vështirësi në frymëmarrje është një simptomë e zakonshme që i shtyn njerëzit të bëjnë një vizitë tek mjeku i tyre.
Ka shumë shkaqe ‘të marrjes së frymës’. Megjithatë, shkaqet më pak të zakonshme të gulçimit shpesh neglizhohen dhe është e rëndësishme të caktoni një takim me mjekun tuaj për të përcaktuar burimin e tyre transmeton Gazeta Shneta.
Thuhet se një përkufizim i qartë për gulçimin – është se shumica e njerëzve e përshkruajnë këtë simptomë si një ndjesi subjektive të vështirësisë me frymëmarrjen.
Ju mund të keni ndjenjën se nuk jeni në gjendje të merrni ajër të mjaftueshëm ose që duhet më shumë përpjekje se zakonisht për të marrë frymë.
Disa njerëz përshkruajnë gjithashtu një ndjesi të ngushtësisë së gjoksit.
Gulçimi mund të vijë si gjendje akute brenda disa minutash ose orësh; ose në mënyrë kronike gjatë ditëve, javëve, muajve apo edhe viteve.
Shkalla e frymëmarrjes
Një normë e ritmeve normale të frymëmarrjes në të rriturit konsiderohet të jetë midis 12 dhe 20 frymëmarrje në minutë.
Shkalla e frymëmarrjes konsiderohet nga disa si shenja vitale e “harruar” dhe ndonjëherë mund t’i japë mjekut tuaj më shumë informacion sesa presioni i gjakut ose pulsi juaj në lidhje me ashpërsinë e sëmundjes.
Shkaqet
Në 85% të njerëzve, kushtet që lidhen me zemrën dhe mushkëritë janë përgjegjëse për gulçimin.
Disa nga shkaqet tjera më të zakonshme përfshijnë: astma, sëmundje kronike obstruktive të mushkërive, atak në zemer, embolia pulmonare, infeksione të tilla si bronkiti dhe pneumonia, dështimi kongjestiv i zemrës si dhe pneumotoraksi.
Në anën tjetër kemi edhe disa faktor të tjerë që mund të inkuadrohen si shkak për një vështirësi në frymëmarrje duke përfshirë këtu pirjen e duhanit, aneminë dhe kushtet e tiroides.