Kur fëmijët lindin, veçanërisht ata më të bardhë, kanë një ngjyrë më të qeltë të syve sepse kanë shumë pak melaninë në sy. Melanina është një lloj pigmenti që i jep ngjyrë syve, lëkurës dhe flokëve.
“Sasia e malaninës në iris (që është pjesa me ngjyrë e syrit, cakton se çfarë ngjyre do të jenë sytë e një personi”, tregon pediatri oftamolog, dr. Douglas Frederick nga spitali i fëmijëve në Kaliforni, transmeton Gazeta Shneta.
Gjenetika kontrollon se sa melaninë (ose pigment) një person do të ketë në trupin e tij. ADN-ja që bebet pranojnë nga ju dhe partneri juaj cakton nëse sytë e fëmijës do të jenë të blu, të kaftë, jeshil ose ndonjë ngjyrë tjetër.
Bebet mund të lindin me sy të kaltër, por pas lindjes, drita stimulon prodhimin e melaninës, që është sryeja pse ngjyra e syve mund të errësohet ose të ndryshojë me kalimin e kohës. Është e rëndësishme të theksohet se nuk është ngjyra e pigmentit që ndryshon. Nuk ka ngjyrë të kaltër, hiri, jeshile të syve. Pigmenti i vetëm që ne kemi në sy ësthë i kaftë, ndërsa është sasia e atij pigmenti që bën që ne të kemi ngjyra të ndryshme, më të qelët ose më të errtë.
Por, kur ndryshon ngjyra e syve?
Zakonisht, ju mund të vëreni ndryshimet më të mëdha në 6 deri 9 muajt e parë. Përgjatë disa javëve ose muajve, ju mund të vëreni sytë e bebes tuaj duke u errësuar. Ndryshimi është aq gradual sa ju mund edhe mos ta vëreni derisa një ditë, fëmija zgjohet dhe ju befason me sy të një ngjyre tjetër! Kur bëhen 12-muajsh, bebet tanimë e kanë ngjyrën e përhershme të syve, edhepse ngjyra e disa fëmijëve mund të ndryshojë deri në moshën 6-vjeçare. Megjithatë, kjo dukuri është e rrallë dhe nuk ndodh brenda natës./GazetaShneta