Kryemnistri Albin Kurti në seancën e sotme të Kuvendit ka thënë se Kosova është në fazën me aktive të valës së re të COVID-19.
Prandaj, sipas tij rritja e rasteve të reja me COVID-19 do të jetë e pashmangshme çfarëdo masa të vendosen, por mund të evitohet përhapja masive e tij, shkruan Gazeta Shneta.
“Në fund të vitit që e lam pas, më 26 dhjetor, variant Omicron u detektua edhe te ne. Në kohën kur e gjthë bota por edhe rajoni po përballeshin me shifra alarmante të të infektuarve, ishte vetëm çështje kohe kur ky variant i virusit do të përhapej edhe në vendin tonë. Sot ndodhemi në fazën më aktive të kësaj vale. Në dyjavëshin e fundit rastet e reja ditore janë rritur për më shumë se dhjetë ditë dhe ka filluar të vërehet një rritje e dukshme në numrin e hospitalizimeve dhe humbjeve të jetës gjatë ditëve të fundit”, ka deklaruar ai.
Tutje ai është shprehur se numri i hozpitalizimeve dhe vdekjeve nga virusi këtë fazë është i ulët për shkak të vaksinimit.
“Numri i hospitalizimeve dhe humbjeve të jetës në këtë fazë mund të duket relativisht i ulët kjo natyrisht për shkak se një numër i madh i qytetarëve janë vaksiunuar me dy doza dhe po vazhdon mirë edhe vaksinimi me dozën e tretë përforcuese”, ka theksuar ai gjatë seancës./Gazeta Shneta/